Маңғыстау облыстық Төтенше жағдайлар департаментінің бастығы тағайындалды
Маңғыстау облысы Төтенше жағдайлар департаментінің бастығы тағайындалды.
Фото: Kazinform
09:06 04.01.2024
Ақтауда еліміздің төтенше жағдайлар министрлігі өртке қарсы комитеті төрағасының орынбасары Мұрат Мұханов Маңғыстау облысы Төтенше жағдайлар департаментінің жаңа тағайындалған бастығы полковник Бекболат Әбдіқадыровты Маңғыстау облысының әкіміне, департаменттің жеке құрамына және азаматық қорғау органдарының ардагерлеріне таныстырды.
Сонымен қатар, облыс әкімі Нұрлан Асқар Ноғаев әкімдіктің аппараттық басқосуында Б. Әбдіқадыровты барлық облыс активтерімен таныстырды.
Бекболат Қайырбекұлы 1975 жылы 4 мамырда Қызылорда қаласында дүниеге келген.
2005 жылы төтенше жағдайлар министрлігінің Көкшетау техникалық институтын «Өрт қауіпсіздігі» мамандығы бойынша бітірген. 2007 жылы Көкшетау униварситетін «Құқықтану» мамандығы бойынша бітірген. Азаматтық қорғау органындағы еңбек жолын 1998 жылы өрт сөндіруші лауазымынан бастаған. Осыған дейін 1993-1997 жылдары аралығында Стратегиялық мақсаттағы зымыран әскері қызметінде әр түрлі лауазымдарды қатардағы жауынгерден офицерге дейін қызмет атқарды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
