СҚО-да газ баллоны жарылып, әжесі мен немересі күйіп қалды
Солтүстік Қазақстан облысы Бексейіт ауылында газ баллоны жарылып, 83 жастағы әйел мен оның 21 жастағы немересін күйік шалды, деп хабарлайды Kazinform.
Фото: СҚО ТЖД баспасөз қызметі
18:51 06.01.2024
СҚО төтенше жағдайлар департаменті баспасөз қызметінің мәліметінше, оқыс оқиға 5 қаңтар күні болған.
Сағат 19.43-те Мамлют ауданының № 15 өрт сөндіру бөліміне 27 литрлік газ баллонының жарылғаны туралы ақпарат келіп түсті.
Салдарынан екі шаршы метр алаңда төбенің тартпасы жанған. Екі адам — 1940 жылы туған әйел және оның 2002 жылғы немересі күйікпен ауруханаға жеткізілді.
Мамандардың айтуынша, тұрғындар газ аспаптарын дұрыс қолданбайды, қауіпсіздік ережесін сақтамайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
