Орал кафесіндегі жарылыс: жалға алушы екі айға қамауға алынды
Орал кафесінде жарылыс болып, үш адамның қаза табуына байланысты жалға алушы сот қаулысымен екі айға қамауға алынды, деп хабарлайды Kazinform.
Фото: БҚО Төтенше жағдайлар департаменті
19:08 08.01.2024
БҚО сотының баспасөз қызметінен түскен мәліметке қарағанда, Орал қаласы мамандандырылған тергеу сотының қаулысымен кафені жалға алушыға қатысты екі айға, биылғы 6 наурызға дейін қамауда ұстау түріндегі бұлтартпау шарасын қолдану бүгін санкцияланды.
Қаулы 4 күнде күшіне енеді.
Жалға алушыға ҚР ҚК 292-бабы 3-бөліміне (екі және одан көп адамның өліміне соқтырған өрт қауіпсіздігі ережелерін бұзу) сәйкес айып тағылған.
Бұл бап бойынша айыпты деп танылған адамға 5 жылдан 10 жылға дейін бас бостандығынан айыру жазасы қарастырылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
