Снаряд, гранатомет және миналар: ҰҚК тәркіленген қару-жарақты көрсетті
Ұлттық қауіпсіздік комитеті бірнеше облыста тәркіленген қару-жарақтың суретін жариялады.
Фото: ҰҚК баспасөз қызметі
11:26 09.01.2024
2023 жылы Ұлттық қауіпсіздік комитеті полиция және прокуратура органдарымен бірлесіп заңсыз айналымнан, соның ішінде "қаңтар оқиғалары" кезінде ұрланған қаруды іздеу және алу бойынша бірқатар жедел-іздестіру іс-шараларын өткізген.
"Қорытындысы бойынша қарудың заңсыз айналымының 14 арнасы және оны қолдан жасау бойынша 7 цех жойылды.
51 Калашников автоматы, 192 мылтық, 165 тапанша, 45 граната, 2 гранатомет, 4 дана снаряд пен миналар, 7 жарылғыш құрылғылар және әртүрлі калибрдегі 36 870 патрон тәркіленді", - делінген хабарламада.
Қарудың заңсыз айналымына қарсы күрес бойынша іс-шаралар жалғасып жатқаны айтылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
