Тау-шаңғы курортындағы арқанжол үзіліп, 7 адам зардап шекті
Аустрияның Тироль аумағындағы тау-шаңғы курортында арқанжол кабинасы үзіліп кетті.
Фото: © РИА Новости / Николай Хижняк
10:06 10.01.2024
Оқыс оқиғадан жеті адам зардап шекті. Төрт адам ауыр жарақат алды, біреуінің жағдайы нашар.
Апатты жағдай Эц елдімекеніне жақын маңдағы Ахеркогельбан арқанжолында болған. Мамандар арқанға ағаш құлап, салдарынан кабина үзіліп кеткен деп болжам жасады.
Әзірге арқанжол уақытша істен шығарылды. Қазіргі уақытта оқиғаның неден болғаны, ағаштың қалай құлап кеткені анықталып жатыр.
Айта кетейік, Ахеркогельбан арқанжолында 60-қа жуық кабина бар.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
