Марат Сыздықов ҰҚШҰ тұрақты кеңесінің басшысы лауазымына тағайындалды
Қазақстанның Ұжымдық қауіпсіздік туралы шарт ұйымының тұрақты өкілі Марат Сыздықов ҰҚШҰ Тұрақты кеңесінің басшысы болып тағайындалды.
Фото: t.me/odkb_csto
18:14 10.01.2024
Бұл туралы ҰҚШҰ Тұрақты кеңесінің отырысында белгілі болды, деп хабарлайды ұйымның ресми Telegram-каналы.
«Ұйым төрағалығының Беларусь Республикасынан Қазақстан Республикасына өтуіне байланысты төрағалықты Қазақстанның ҰҚШҰ жанындағы тұрақты өкілі Марат Зенікенұлы Сыздықов қабылдады», - делінген хабарламада.
Марат Сыздықов 1966 жылы 27 сәуірде Ақмола облысы Щучинск қаласында дүниеге келген.
Еңбек жолы:
1991-1992 жылдары Целиноград қаласындағы №7 гимназияда тарих пәнінің мұғалімі;
1992-1998 жылдары Л.Гумилев атындағы Еуразия ұлттық университетінің қазіргі заман тарихы кафедрасының оқытушысы, аға оқытушысы;
1998-2000 жылдары ҚР Президенті Әкімшілігінің Талдау және стратегиялық зерттеулер орталығының сарапшысы;
2000-2002 жылдары ҚР Президенті Әкімшілігі Қауіпсіздік Кеңесінің Талдау орталығының халықаралық үдерістерді талдау және болжау секторының меңгерушісі;
2002-2010 жылдары ҚР Ресей Федерациясындағы Елшілігінің екінші хатшысы, бірінші хатшысы, кеңесшісі;
2010-2014 жылдары ҚР Президенті Әкімшілігінің Сыртқы саясат орталығы меңгерушісінің орынбасары;
2014-2019 жылдары ҚР Ресей Федерациясындағы Елшілігінде кеңесші;
2019 жылдан бастап ҚР Сыртқы істер министрінің орынбасары болып жұмыс істеді;
2022 жылдың 21 сәуірінде Қазақстан Республикасының Ұжымдық қауіпсіздік туралы шарты ұйымындағы тұрақты өкілі болып тағайындалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
