Атырауда бір жылда 22 жасөспірімге қатысты 11 қылмыстық іс қозғалған
Атырау қаласында былтыр ішкі істер органдарына әкімшілік және қылмыстық құқық бұзушылыққа байланысты 3 682 жасөспірім жеткізілген.
Фото: Ақтөбе облысы ПД
09:47 11.01.2024
Оның ішінде 22 жасөспірімге қатысты 11 қылмыстық іс қозғалған, деп хабарлайды Kazinform.
Атырау қалалық полиция басқармасы ювеналды полиция тобының бастығы, полиция майоры Эльвира Иманғазиеваның айтуынша, жасөспірімдердің қатысуымен жасалған қылмыстар 14 пайызға төмендеген. Алайда, кәмелетке олмағандарға қарсы жасалған қылмыс 20 пайызға, ал, жыныстық тиіспеушілік байланысты қылмыс 45 пайызға өскен.
«Атырау қаласы бойынша ішкі істер органдарына әртүрлі әкімшілік және қылмыстық кұқық бұзушылық жасаған 3682 жасөспірім жеткізілді. Кәмелетке толмағандардың құқығын қорғау жөніндегі комиссияға 99 құжат жолданды. Комиссия шешімімен 10 ата-ананың құқығы шектелді. Ал, 3-еуі ата-ана құқығынан айырылды. Қаңғыбастыкпен айналысқан 2 қыз 6 ай мерзімге Ақтау каласындағы мектеп интернатқа орналастырылды.
Бұзақылық және қасақана ауыр дене жарақатын келтіру дерегімен 22 жасөспірімге катысты 11 қылмыстық іс қозғалды. Оның ішінде 3 жасөспірімге катысты істер сотқа жолданып, оларға 1 жылдан 2 жылға дейін шартты түрде жаза тағайындалды», - деп хабарлады Эльвира Иманғазиева.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
