Қаңтар оқиғасына қатысты тергеу әлі жалғасып жатыр
Қаңтар оқиғасына байланысты 1 396 адам сотталды.
15:21 13.01.2024
Бұл туралы Бас прокуратурадан мәлім етті, деп хабарлайды Kazinform.
«Қаңтар оқиғасына қатысты тергеу әлі жалғасып жатыр. ҚР Қылмыстық-процестік кодекстің 201-бабы талаптарына сәйкес мәліметтер жария етуге жатпайды. Дегенмен, аталған оқиғаға қатысқаны туралы жеткілікті дәлелдер алынған тұлғалар қазіргі уақытта қылмыстық жауапкершілікке тартылды. Бүгінде 1 396 тұлға, оның ішінде 574 адам жаппай тәртіпсіздіктерге қатысқаны және ұйымдастырғаны үшін сотталды», - делінген Бас прокуратураның агенттік сауалына берген жауабында.
Ведомствоның нақтылауынша, 574 адамның ішінде 12 тұлға жаппай тәртіптсіздікті ұйымдастырғаны үшін бас бостандығынан айырылған.
«Осынау қайғылы оқиға кезінде 2 960 қару ұрланды. Оның 1 мыңнан астам табылды. Қалған қаруды іздеу жалғасып жатыр», - деп нақтылады Бас прокуратурадан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
