Францияның жағалауында бес мигрант қаза тапты
Франция билігінің хабарлауынша, демалыс күндері теңізде 180-нен астам адам құтқарылған. Демалыс күндері Ла-Манш бұғазында бес мигрант қаза тауып, 30-дан астамы құтқарылды. Мигранттарды Ұлыбританияға заңсыз тасымалдап келе жатқан қайық толқындар мен су тасқыны салдарынан жағалауда аударылып қалды.
Фото: Euronews
10:16 16.01.2024
Қаза болған төрт адамның денесі теңізден, тағы бір адамның денесі Францияның Вимре коммунасының жағалауынан табылды. Француз ақпарат құралдарының хабарлауынша, олар Сирия немесе Ирак азаматтары.
Ла-Манш және Солтүстік теңіз префектурасының хабарлауынша, демалыс күндері барлығы 182 адамның құтқарылған.
Пас-де-Кале департаменті префектінің айтуынша, контрабандашылар мигранттар өмірін қауіпке ұшыратып отыр.
Ле-Портель коммунасының мэрі Оливье Барбареннің пікірінше, Павриж бен Лондон бұған бір шешім табуы керек.
«Біз, мэрлер, қатты абдырап қалдық. Біз мұнда жағдайды бақылау, киім-кешек жеткізу, қоғам мен мемлекеттің ынтымағын көрсету үшін жүрміз, бірақ сахнаның артында мүлде қауқарсызбыз. Менің ойымша, бізге Франция мен Англия арасындағы шешімдерді іздеуге тура келеді», - деді О.Барбарен.
Бұл 2024 жылғы өлімге әкелген алғашқы оқиға. Өткен жылы Ла-Манш арқылы Англияға заңсыз жолмен 29 437 мигрант жеткен (2022 жылмен салыстырғанда 36%-ға аз).
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
