Атырауда аудандық соттың судьясы 2,5 млн теңге парамен ұсталды
Атырау облысында судьяның алаяқтық іс-әрекеті әшкере болды.
20:24 16.01.2024
2024 жылғы 10 қаңтарда Атырау облысы Махамбет аудандық сотының судьясына іс қозғалған.
Ол Қылмыс кодексінің 190-бабы 3-бөлігі 2-тармағы, яғни алаяқтық іс-әрекеті үшін айыпталып отыр.
Материал сотқа дейінгі тергеп-тексерудің бірыңғай тізіліміне тіркелді.
«Ұлттық қауіпсіздік комитеті облыс бойынша департаментінің қызметкерлері сот әкімшілігі департаментінің ішкі қауіпсіздік бөлімімен бірлесе отырып, 15 қаңтарда судьяны 2,5 млн теңгені алу кезінде парамен ұстады», - деп мәлімдеді Атырау облыстық сотының баспасөз қызметі.
Күдіктіге процестік мәжбүрлеу шарасы қолданылмаған.
Қазіргі уақытта екі ведомствоның бірлескен іс-әрекетімен сотқа дейінгі тергеп-тексеру жалғасып жатыр.
Дереккөз: KAZINFORM
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
