Ақтөбеде кешегі атыс туралы ескертуден соң оқушылардың 85% мектепке бармады
Ақтөбеде терроризм актісі туралы хабарламадан соң бірінші ауысымда оқитын балалардың басым бөлігі сабаққа бармай қалды.
Фото: Kazinform
13:29 26.01.2024
Оларға қосымша тапсырма беріліп, сабақ онлайн өткізілді. Ақтөбе облыстық білім басқармасының мәліметі бойынша, Ақтөбе қаласында 119 мектеп бар. Оның 87-сі мемлекеттік. Бүгін бірінші ауысымда оқитын 57 924 баланың 8 558-і сабаққа келді. Бұл — шамамен оқушылардың 15%. Ал полиция күзетті күшейтті.
"Ақтөбе қаласында жағдай тұрақты, алаңдауға негіз жоқ. Жалпы білім мекемелері штаттық режимде жұмыс істеп тұр. Олардың қауіпсіздігін полиция жасақтары қамтамасыз етеді. Оқу орындарында, оның ішінде бейнебақылау жүйесі арқылы қауіпсіздікті қамтамасыз етуге ерекше көңіл бөлініп отыр. Жасақтар білім беру ұйымдарына барынша жақын. Азаматтардан арандатуға берілмей, тек ресми ақпаратқа сенуді сұраймыз", - деп хабарлады облыстық ПД баспасөз қызметінің жетекшісі Ерболат Сарқұлов.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
