Солтүстік Корея кезекті рет қанатты зымырандарын ұшырды
Солтүстік Корея шығыс жағалауынан зымыран ұшырғаннан кейін екі күн өткен соң сейсенбі күні батыс жағалауынан тағы да бірнеше қанатты зымыранды ұшырды, деп хабарлайды kazinform.
Фото: Yonhap
15:35 30.01.2024
Штаб бастықтарының бірлескен комитетінің (JCS) мәлімдеуінше, зымырандар батыс жағалаудан жергілікті уақыт бойынша таңғы сағат 7-де ұшырылды. Зымырандар саны нақтыланған жоқ. Жексенбі күні Солтүстік Корея шығыс жағалауынан бірнеше қанатты зымыранды ұшырды.
«Бүгін ұшырылған қанатты зымырандардың ұшу уақыты 28 қаңтарда ұшырылған зымырандарға қарағанда ұзағырақ болды», - деді Штаб бастықтарының бірлескен комитетінің өкілі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
