Ақтөбеде 15 жыл бойы іздеуде жүрген күдікті ұсталды
2008 жылы қарақшылық шабуыл жасап, ізін жасырған күдікті ұсталды.
Фото: pexels.com
12:55 31.01.2024
Полиция тергеуден соң қылмыстық істі сотқа жібермек. Ақтөбе облыстық ПД баспасөз қызметінің хабарлауынша, қылмыстық оқиға 2008 жылдың мамыр айында болды, деп жазады kazinform.
Екі жас жігіт Хромтау қаласында жергілікті тұрғынның пәтеріне кіріп, ас үй пышағын қолданып, жәбірленушінің денесін жаралайды. Сол кезде ақша мен екі ұялы телефонды ашық ұрлап кеткен.
– Сол жылы Қостанай облысының тұрғыны ұсталып, қарақшылық шабуыл жасағаны үшін жеті жылға бас бостандығынан айырылды. Ал екінші күдікті туралы ақпарат болмады. Бүгінге дейін Хромтау қаласының тұрғыны жасырынып жүрді. Ал іздеу жеке іс жүргізуге бөлінді. Арада 15 жыл өткенде Хромтау полициясының жедел уәкілдері іздеуде жүрген адамды ұстады және істі сотқа береді,- деді облыстық ПД баспасөз қызметінің жетекшісі Ерболат Сарқұлов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
