Алматы маңында есірткі жасайтын зертханадан 8 келі мефедрон алынды
Алматы облысы бойынша ҰҚК департаменті синтетикалық есірткі өндіретін жасырын зертхананы әшкереледі.
Фото: ҰҚК
11:48 13.02.2024
Осылайша 6 ақпанда Алматы қаласына жақын орналасқан жеке үйде психотроптық заттарды дайындау кезінде қылмыс үстінде есірткі зертханасын ұйымдастырушы 1995 жылы туған Қазақстан азаматын ұстады.
Тінту барысында 40 мың бір реттік дозаға эквивалентті 8 келіден астам «мефедрон» психотроптық заты, сондай-ақ оны дайындайтын құрылғы мен компоненттер алынды.
Анықталған есірткінің «қара» нарықтағы алдын ала құны 150 млн теңгеден артық сомаға бағаланады. Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде. Қылмыстық-процестік кодекстің 201-бабы 1-бөлігіне сәйкес өзге ақпарат жарияланбайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
