Елордада пәтерден өрт шығып, 30 адам эвакуацияланды
Астанада көпқабатты тұрғын үйде пәтерден өрт шықты.
Фото: ТЖД
20:36 15.02.2024
Өрт сөндірушілер тілсіз жаумен күресіп жатыр.
«15 ақпан күні сағат 18:21-де Астана қаласы Төтенше жағдай департаменті бөлімшесі Тәуелсіздік даңғылы, 21 мекенжайына барды. 8 минуттан кейін өрт сөндірушілер пәтердің өртеніп жатқанын анықтады. Пәтерден автокөлік сатысының көмегімен әйел құтқарылып, жедел жәрдем бригадасына тапсырылды», - деді Төтенше жағдайлар департаментінің баспасөз қызметінен.
Ақпаратта айтылғандай, өртпен күреске 26 маман және 7 техника жұмылдырылды, деп жазады kazinform.
«Пәтердің ас бөлмесінің (15 шаршы метр) төбесі, жиһаз (диван) және басқа да заттар жанған. Өрт сөндірушілер 30 адамды қауіпсіз жерге эвакуациялады. Олардың арасында 3 адам, 12 бала және 1 сәби бар. Құтқарылған 3 адамды жедел жәрдем бригадасы тексеріп жатыр», - деді департаменттен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
