Алматы облысында ер адам балаларды байлап, пышақпен қорқытқан
Әлеуметтік желіде Алматы облысында белгісіз ер адам 4 баланы ұрып-соғып, азаптап, оларға пышақ салғаны туралы ақпарат тарады. Бұған қатысты облыстық полиция департаментінің басшысы Бауыржан Әленов түсінік берді.
12:06 16.02.2024
Оның видеосы Telegram арнасында тарады. Балалардың айқайына көршілері жүгіріп келгенде, олардың аяқ-қолы байланғанын көргені айтылады. Зардап шеккендердің сөзінше, Бақытжан есімді ер адам үйге басып кірген.
Полицейлер Алматы облысындағы пәтерлердің бірінде балаларға шабуыл жасап, ұрып-соққан ер адамды ұстады.
Қазіргі уақытта ол аудандық полицияның уақытша ұстау изоляторына қамалды және оған қатысты тергеу әрекеттері жүргізілуде.
«Тергеу барысы менің жеке бақылауыма алынды. Өзге ақпарат Қазақстан Республикасы қылмыстық-процессуалдық кодексінің 201-бабының ережелеріне сәйкес жария етуге жатпайды», - деді облыстық Полиция департаментінің бастығы Бауыржан Әленов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
