Су тасқыны болған өңірлерге Астанадан тағы 20 тонна гуманитарлық көмек жіберілді
Бұған дейін Астанадан су тасқынынан зардап шеккен өңірлерге 600 тоннадан астам гуманитарлық көмек жіберілген болатын.
Фото: gov.kz
12:14 09.04.2024
Енді «Астана жастары» жастар ресурстық орталығы Экономикалық тергеу департаментімен бірлесіп, екі жүк көлік, 20 тонна гуманитарлық көмек жинады. Онда Қостанай облысындағы су тасқынынан зардап шеккендерге азық-түлік, киім-кешек және бірінші кезектегі қажет заттар бар, - деп жазды әкімдіктің ресми сайты.
«Эвакуациялық пункттердегі адамдарға күріш, ұн, қант, қарақұмық, шай, сондай-ақ күнбағыс майы сияқты азық-түлік қажет. Адамдар көп жиналатын жерлерде қоқыс жинауға көмектесетін қоқыс пакеттері қажет», - деді қалалық еріктілер штабы төрағасының орынбасары Эльвира Есмұханова.
Штаб еріктілері көмекке жылы киім, ауызсу, балалар тағамы, тұрмыстық тауарлар, балалар киімдері, көрпелер, төсек жапқыштар мен жастықтарды қабылдайды.
Сонымен қатар 500-ден астам ерікті қажетті заттарды сұрыптауға және жіберуге көмектеседі. Гуманитарлық көмек су тасқынынан зардап шеккен өңірлерге жіберіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!