Өскеменде трамвай өртенді
Өскемен қаласында жүріп келе жатқан трамвайда өрт шықты.
Фото: О.Бөкей атындағы қалалық кітапхана
14:46 09.04.2024
ШҚО Төтенше жағдайлар департаменті баспасөз қызметінің мәліметіне сүйенсек, қаладағы Назарбаев даңғылында маршрут бойынша жүретін трамвай өртеніп кетті. Сол кезде іште болған жолаушылар өз беттерімен сыртқа шығып үлгерді, деп жазады kazinform.
«Оқиға орнына №7 өрт сөндіру бөлімінің қызметкерлері шұғыл келіп жетті. Белгілі болғандай, трамвайдың электр сымдары отқа оранған. Көп ұзамай жалын толықтай ауыздықталды. Алдын ала дерек бойынша өрттің шығуына – қауіптілігі жоғары агрегатпен абайсыз жұмыс істеу себеп болған», - делінген ақпаратта.
Тілсіз жаумен күреске 2 техника мен жеке құрамнан 8 адамы жұмылдырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
