Екібастұзда көмір кенішінде алып экскаватор өртенді
Көмірді үздіксіз күреп, қазатын роторлы экскаватордың бұл уақытта жөндеуде тұрғаны анықталды.
Фото: Видеодан алынған кадр
13:50 16.04.2024
От электр сымының тұйықталуынан шыққан, деп жазады kazinform. Бұл туралы Павлодар облысы төтенше жағдайлар департаментінің баспасөз қызметінен хабарланды.
«14 сәуір күні сағат 12.10-да „Богатырь Көмір“ ЖШС-нің Северный кенішінде № 1106 роторлы экскаваторы өртенген. Агрегат ол күні жөндеуде тұрған әрі техниканың қолданыс мерзімі аяқталғаны себепті әрі қарай есептен шығаруға дайындалған. Өрттің шығу себебі — сымдардың қысқа тұйықталуы. Тілсіз жау сағат 13.40-та кәсіби әскерилендірілген авариялық-құтқару қызметі республикалық орталық штабының күшімен ауыздықталды» деп мәлімдеді баспасөз қызметінен.
Өрттен зардап шеккендер жоқ.
Кеніштегі көмір өндіру жұмыстары штаттық режимде жалғасып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
