СҚО-да су тасқынының екінші толқыны басталды
Солтүстік Қазақстан облысында Есіл өзені суы екінші рет көтеріліп жатыр.
Фото: видеодан алынған скрин
09:56 17.04.2024
Тоқсан би гидрология бекетінде су деңгейі бір тәулікте 95 см-ге жоғарылады.
«Қазгидромет» РМК СҚО филиалының мәліметінше, Есіл өзені Тоқсан би ауылының жанында 16 сәуір күні таңертеңнен бастап көтеріліп жатыр. Сондай-ақ Долматово елді мекенінің жанында да өзен деңгейі 20 см-ге биіктеген.
Мұндағы қауіпті деңгей 1450 см болса, қазір 1532-ге жеткен.
Петропавлда екінші күн өзгеріссіз. Ал мұндағы су қоймасында деңгей -5 см-ге түсті.
Су тасқынының екінші толқынының келуінен Сергеев су қоймасында деңгейі 3 см-ге жоғарылаған.
Ал шағын өзендерде су қайтып жатыр. Мәселен Бабықбұрлықта өткен тәулікте 126 см-ге, Ақанбұрлықта 120 см-ге түскен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
