Полиция із-түссіз жоғалған оқытушыны Алматыға бет алған пойыздан тапты
Ақмола полицейлері жоғалған 21 жастағы Көкшетау тұрғынын Алматы қаласына бара жатқан пойыздан тапқан.
Фото: polisia.kz
10:35 25.04.2024
«22 сәуірде облыстың аудандық полиция бөлімдерінің біріне мектепте оқытушылық практикадан өткен ақмолалықтың хабар-ошарсыз кеткені туралы хабарламамен жас мұғалімнің әріптесі жүгінді. Полицейлер хабар-ошарсыз кеткенді іздеуге бағытталған жедел-іздестіру іс-шараларының қажетті кешенін өткізді», — делінген хабарламада.
Қабылданған шаралардың нәтижесінде қыздың орналасқан жері оңтүстік астанаға баратын жолаушылар пойызында анықталды.
«Қыз болашақ жұбайының ата-анасының үйіне құдаларды жіберуге ниеті туралы хабар жеткізбек болған. Алайда, ата-анасына апаратын жолға асығып бара жатып, ол пойызда болған кезде әріптестеріне хабар беруге тырысқан, бірақ ол ұялы желідегі ақауларға байланысты ешкіммен байланыса алмаған», — деп хабарлады Ақмола полицейлері.
Қызға қатысты ешқандай қылмыс пен құқық бұзушылық жасалмағаны анықталды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
