Ташкентте өтіп жатқан Азия чемпионатында Қазақстан қоржынына алғашқы медаль түсті
Өзбекстан астанасы Ташкент қаласында көркем гимнастикадан өтіп жатқан лицензиялық Азия чемпионатында ел құрамасы алғашқы жүлдесіне қол жеткізді.
Фото: ҰОК
11:43 03.05.2024
Атап айтар болсақ, топтық жаттығудан Қазақстан командасы көпсайыста Азия біріншілігінің қола жүлдегері атанды.
Қазақстандық гимнасшылар бес шығыршықпен, сондай-ақ, екі доп, үш таспамен жаттығудан жалпы есепте үшінші орынға табан тіреді.
Отандастарымыз 5 шығыршық жаттығуы үшін 32.05 ұпай алса, 2 доп, 3 таспа жаттығуында 29.25 ұпай еншіледі.
Айта кетелік, топтық жаттығудан Қазақстан командасын ресейлік маман Инна Бысьрова жаттықтырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
