Алматыда 6 мамыр күні ботаникалық бақ жабылады
Мегаполистің Бас ботаникалық бағының баспасөз қызметі әлеуметтік желілерде саябақтың 6 мамыр күні жабық болатынын хабарлады.
Фото: facebook.com/botsadkz
16:43 03.05.2024
Ботаникалық бақ жоспарланған санитарлық тазарту жұмыстарына байланысты жабылады. Алайда айдың бірінші дүйсенбісі мереке күніне сәйкес келсе, онда санитарлық күн кейінге қалдырылуы мүмкін.
«Құрметті Бас ботаникалық бақтың қонақтары. Ботаникалық бақ 6 мамырда жабылатынын хабарлаймыз. Аумақ жоспарлы түрде санитарлық тазартудан өтеді.
Басқа күндері жұмыс кестесі өзгеріссіз қалады: ботаникалық бақ күн сайын сағат 09:00-ден 21:00-ге дейін жұмыс жасайды. Кассалар 20:00-ге дейін жұмыс істейді. Кассадағы техникалық үзіліс: 15:00-15:30. (Егер айдың бірінші дүйсенбісі мереке күніне сәйкес келсе, онда санитарлық күн кейінге қалдырылуы мүмкін)», – делінген хабарламада.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
