СҚО-да су тасқынына байланысты ҰБТ биыл кеш өткізіледі
Солтүстік Қазақстан облысында бүгін ҰБТ-ға қатысуға өтініштер қабылдау басталды және басқа өңірлерге қарағанда 6 күнге ұзартылып, 20 мамырға дейін жалғасады.
17:05 06.05.2024
СҚО Білім басқармасы баспасөз қызметінің мәліметінше, тестілеуге қатысу үшін түлектер Ұлттық тестілеу орталығының app.testcenter.kz сайтындағы жеке кабинет арқылы онлайн өтініш береді.
«6-13 мамыр аралығында тек бірінші әрекетке өтініш беруге болады. 14 мамырдан 20 мамырға дейін 2-ші әрекетке өтініш қабылданады. Түлектер мен ата-аналар өтініш берген кезде ҰБТ тапсыру күнін, уақытын және пунктті өзі таңдайды. Жазғы ҰБТ-ға мектеп түлектері тегін қатысады», - дейді СҚО Білім басқармасының бас маманы Мария Исмагамбетова.
Маманның айтуынша, СҚО үшін тестілеу жеке кесте бойынша жүргізіледі. Егер жалпы ел бойынша ҰБТ 16 мамырдан 5 шілдеге дейін өтсе, мұнда 25 мамырдан 12 шілдеге дейін жоспарланған.
«Осы кезеңде түлектер тестілеуді 2 рет тапсыра алады, екі сертификат та жарамды және ең жақсы нәтижемен гранттар байқауына қатыса алады. Биылғы ҰБТ-ның ерекшелігі, жазғы ҰБТ-да төмен балл алған жағдайда, қаңтар немесе наурыз айларындағы ҰБТ-ның ең жақсы нәтижесі ескеріледі», - дейді Мария Исмагамбетова.
Биыл СҚО-да мектепті 3 мыңнан астам түлек аяқтағалы отыр.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
