Әлемде алғаш рет шошқаның бүйрегін ауыстырған адам қайтыс болды
Әлемде алғаш рет шошқаның бүйрегін ауыстырған Массачусетс тұрғыны қайтыс болды. Ол трансплантациядан кейін 2 айға жуық уақыттан соң көз жұмды, деп хабарлайды CBS news арнасы.
Фото: Массачусетс ауруханасы
10:31 13.05.2024
Веймут қаласының тұрғыны 62 жастағы Рик Слейман үстіміздегі жылдың 21 наурызында Массачусетс штатының жалпы ауруханасында бүйрегін ауыстырған. Екі аптадан кейін ол емделуді үйде жалғастыру үшін ауруханадан шығарылды.
Алайда, Массачусетс жалпы профильді ауруханасының мәліметі бойынша, науқастың қазасына трансплантацияның еш қатысы жоқ.
«Mass General трансплантация командасы Рик Слейманның кенеттен қайтыс болуына байланысты қатты қайғырады. Оның мәйітінен трансплантацияның нәтижесіне қатысты ешқандай мәлімет табылмады. Слейман мырза дүние жүзіндегі сансыз трансплантациямен ауыратын науқастар үшін мәңгілік үміт шамы болып қала береді және біз оның сенімі мен ксенотрансплантация саласын ілгерілетуге адалдығы үшін шексіз алғысымызды білдіреміз», - делінген Массачусетс жалпы ауруханасының мәлімдемесінде.
Рик Слейманға бүйрек ауруының соңғы сатысы деген диагноз қойылды. Ер адам алғаш рет 2018 жылы бүйрегін ауыстырған, бірақ бес жылдан кейін донор органы істен шыға бастады.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
