Қызылордада есірткі сатпақ болған бұрынғы мұғалім ұсталды
Қызылорда облысында аса ірі көлемде синтетика сатпақ болған адам қолға түсті.
Фото: Kazinform
09:40 22.05.2024
Ол қалаға қарасты елді мекендердің бірінде мұғалім қызметін атқарған. Облыстық Полиция департаментінің Есірткі қылмысына қарсы күрес басқармасы күдіктіні бақылауда ұстаған.
«Полиция қызметкерлерінің жедел-іздестіру шаралары нәтижесінде 34 жастағы тұрғын қолға түсті. Сараптама қорытындысы көрсеткендей, тінту кезінде тәркіленген ұнтақ салмағы 261 грамм α-PVP психотроптық заты екені анықталды. Күдікті уақытша ұстау изоляторына оқшауландырылды, тергеу жалғасуда», - деп мәлім етті Қызылорда облыстық Полиция департаментінен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
