Мексикада сайлауалды митинг кезінде сахна құлап, 9 адам қаза тапты
Мексиканың солтүстігіндегі Нуэво-Леон штатында сайлауалды шеру кезінде сахна құлап, кем дегенде тоғыз адам қаза тапты, оның ішінде бір бала бар, тағы 50 адам жарақат алды, деп хабарлайды BBC.
Фото: кадр видеодан алынды
18:19 23.05.2024
Оқиға Азаматтық қозғалыс партиясынан президенттікке кандидат Хорхе Альварес Майнес Сан-Педро-Гарса-Гарсия қаласында сөз сөйлеп жатқан кезде болды. Майнестің өзі зардап шеккен жоқ, бірақ оның айтуынша, оның командасының бірнеше мүшесі жарақат алған.
Апатқа кенеттен соққан жел себеп болды, деп жазды Майнес әлеуметтік желіде. Сахнада бірнеше адам болған кезде жарықтандыру конструкциясы құлаған сәті түсіп қалған кадрлар пайда болды.
Штат губернаторы Самуэль Гарсиа жергілікті тұрғындарды найзағай мен қатты желге байланысты үйден шықпауға шақырды.
Мексика президенті Андрес Мануэль Лопес Обрадор қаза тапқандардың туыстарына, жақындарына және саяси жақтастарына көңіл айтты.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
