СҚО-да баласына алимент төлемеген 36 ата-ана қамалды
СҚО прокуратурасы жыл басынан бері алимент өндіру жөніндегі сот актілерін орындамағаны үшін 6 борышкерге Әкімшілік құқық бұзу кодексінің 669-бабымен іс қозғады. Сот шешімімен бәрі қамауға алынды.
20:08 23.05.2024
Уәлиханов аудандық сотының 18 наурыздағы қаулысымен аудан прокуроры қозғаған іс бойынша борышкер С. 5 тәулікке қамауға алынды.
Жалпы, облыс бойынша сот орындаушыларының жұмысын үйлестіру арқылы тағы 36 борышкер әкімшілік қамауға алынған.
Сонымен қатар, 8 проблемалық борышкер Қылмыстық кодекстің 139-бабы бойынша қылмыстық жауапкершілікке тартылды.
Мысалы, Шал ақын аудандық сотының 6 мамырдағы үкімімен кәмелетке толмаған баласына 7 айдан астам уақыт бойы алимент төлемегені үшін 2,6 млн теңге қарызы бар борышкер Қылмыстық кодекстің 139-бабы бойынша 1 жылға бас бостандығын шектеу жазасына сотталды.
Қабылданған қатаң шаралардың нәтижесінде алимент берешегі жыл басынан бері 100 млн теңгеге (260-тан 160-қа дейін) азайды.
Қалған борышты өндіріп алу жұмысы жалғасып жатыр, оған барлық мемлекеттік және уәкілетті органдар тартылған.
Үш ай ішінде алимент төлемегендерге — әкімшілік, алты айдан бастап қылмыстық жауапкершілік туындайды.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
