Жамбылда мектеп түлегі мінген көлік апатқа ұшырап, бір адам мерт болды
25 мамыр күні мектеп бітіру кешінен кейін Жамбыл облысында жол-көлік оқиғасы болып, бір адам қаза тапты.
Фото: Әлеуметтік желіде тараған фото
10:49 27.05.2024
Жамбыл облыстық полиция департаменті баспасөз қызметінің хабарлауынша, оқиға Жаңаталап ауылынан Ақтоған ауылына қарай бара жатқан жолда болған.
Жаңаталап ауылынан шыққан «Тойота Камри» маркалы автокөлігінің 21 жастағы жүргізушісі рөлге ие бола алмай, көлік жол жиегіне аударылған.
Әлеуметтік желіде тараған фото
Апат салдарынан көлік руліндегі 21 жастағы азаматша оқиға орнында қаза тапты.
«Оның жолаушылары — 20, 17 жастағы азаматтар және 11-сыныпты бітіруші түлек ауруханаға жеткізілді. Жағдайы бірқалыпты, бақылауда. Аталған дерек бойынша қылмыстық іс тіркелді, қажетті сараптамалар тағайындалды» делінген баспасөз релизінде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
