Ақмола облысында төгілген тұз қышқылы жойылды
Ақмола облысында тұз қышқылы төгілген жер тазартылды. Апат салдарын жоюға облыс пен Астана қаласының құтқарушылары қатысты.
Фото: Видеодан алынған кадр
11:48 27.05.2024
Ақмола облысы Төтенше жағдайлар департаментінің хабарлауынша, Ақмола облысы Аршалы ауданындағы Сарыоба стансасында жүк пойызының бір цистернасынан тұз қышқылы төгілді.
- Тұз қышқылы цистернада пайда болған жарықшақтан аққан. Дереу облыстық және аудандық штабтар жұмылдырылды. Қауіпті жүк тиелген цистерна негізгі пойыздан ажыратылды. Үш адам алдын ала эвакуацияланды, - деп хабарлады департамент.
Ведомствоның мәліметінше, қазіргі уақытта адамдардың өміріне төнген қауіп жоқ. Жағдай аймақтың төтенше жағдайлар қызметінің бақылауында.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
