Олжас Бектенов су тасқынынан зардап шеккендер жайлы: Азаматтардың қиын жағдайына түсіністікпен қараңыздар
Бүгін Үкімет отырысында Премьер-Министр Олжас Бектенов су тасқыны салдарынан тұрғындардың баспанасы мен мүлкіне келген залалды бағалау жұмысын осы аптада аяқтауды тапсырды.
Фото: Атырау облысының жедел штабы
10:37 28.05.2024
«Көріп отырғанымыздай, жұмыс қарқыны кейбір өңірде төмен. Жұмыс баяу жүріп жатыр. Мысалы, Батыс Қазақстан, Ақтөбе облыстарында. Сондықтан әкімдіктерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын. Азаматтарымыздың қиын жағдайына түсіністікпен және жан-жақты мұқият қараңыздар. Жұмыстарды кешіктірмей барынша тездету керек», - деді Олжас Бектенов.
Сонымен қатар ол орынбасары Қанат Бозымбаевқа осы жұмысты қатаң бақылауда ұстауды тапсырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
