Алматының екі тұрғыны ірі мөлшерде электронды темекі сатқаны үшін жазаға тартылды
Алматының екі тұрғыны бірнеше ай бойы заңсыз кәсіпкерлік қызметті, яғни вейптерді көтерме сатуды заңсыз жүзеге асырған.
Фото: Видеодан алынған кадр
12:19 29.05.2024
Бұған дейін Алматы қаласының аумағында жедел-іздестіру іс-шараларын жүргізу барысында 55 мыңнан астам электрондық темекі табылған және тәркіленген сауда және қойма үй-жайлары анықталған болатын.
«Сот үкімімен Алматы қаласының екі тұрғыны кінәлі деп танылды, олардың біреуіне 3 450 000 теңгеден астам айыппұл түріндегі жаза, ал екіншісіне 1 жыл мерзімге бас бостандығын шектеу және 100 сағат мәжбүрлі еңбек түріндегі жаза тағайындалды», — деп жазды Қаржылық мониторинг агенттігінен.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!