Есірткі сатып келген 8 сайт сот үкімімен жабылды
Алматы қаласы Алмалы ауданының № 2 соты есірткі таратқан интернет-ресурстардың қызметін тоқтатты.
16:39 29.05.2024
Telegram мессенджері мен Instagram әлеуметтік желісіндегі бірқатар парақша арқылы есірткіні SMS арқылы сатып алуға болатын сайттарға сілтемелер таратылған.
Сатып алу нұсқауы бар интернет-ресурстарда олардың сипаттамасы, артықшылықтары, түрі қасиеттері көрсетілгенн.
Сонымен қатар, есірткіні, психотроптық заттарды және олардың аналогтарын республика аумағында тұтынушыларға тарату мүмкіндігін ұсынған. Бұл — сатушы мен сатып алушының бір-бірін көрмей-ақ есірткіні жасырын және заңды түрде сату болып саналады.
Сот уәкілетті органның талап қоюы бойынша аталған интернет-ресурстарда ақпарат тарату заңсыз деп танып, олардың жұмысын тоқтатты.
Сот шешімі заңды күшіне енді.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
