Атырауда өртенген мейрамхананың шатыры опырылып түсті
Атырау облыстық төтенше жағдайлар департаментінің қоғаммен байланыс тобынан мәлім еткендей, мейрамханадағы өрт туралы 30 мамырда сағат 21:15-те хабар берілген.
Фото: ТЖМ
10:25 31.05.2024
«Атырау қаласында Ш.Уәлиханов көшесіндегі екі қабатты мейрамхана өртенді. Оқиға орнына өрт сөндіру бөлімшелері жеткен кезде екі қабатты көпфункционалды кешеннің жанып жатқаны анықталды. Мейрамхананың жалпы аумағы – 2750 шаршы метр. Жалын 280 шаршы метр аумақты шарпыды. Өрттің салдарынан ғимараттың 25 шаршы метр шатыры опырылып түсті», - деп хабарлады департаменттің қоғаммен байланыс тобы.
Өрт сағат 22:30-да оқшауланып, 10 минуттан соң толық сөндірілді. Жалынды сөндіруге 58 адам, 13 бірлік техника жұмылдырылды.
«Мейрамханадағы өрттің тұтану себебі анықталады. Тұрғындар мен түрлі нысан иелерінен өрт қауіпсіздігі ережелерін қатаң сақтауды сұраймыз», -деп мәлім етті департаменттің қоғаммен байланыс тобынан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
