Ұлттық банк базалық ставканы төмендетті
Ұлттық банктің ақша-кредит саясаты комитеті базалық мөлшерлемені жылдық 14,50% дейін 25 базистік тармаққа төмендету жөнінде шешім қабылдады.
Фото: ҚР ҰБ
14:05 31.05.2024
"Қазақстан Республикасы Ұлттық банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 14,50 пайыз дейін 25 базистік тармаққа төмендету туралы шешім қабылдады", - делінген хабарламада.
Биыл сәуірде инфляция болжамдарға сәйкес төмендеді. Инфляцияның орнықты бөлігі баяулағаны байқалды.
"Ортамерзімді келешекте 5 пайыздық инфляция бойынша мақсатқа жету ұзақ уақыт бойы ұстамды қатаң ақша-кредит саясатын жүргізуді қажет етеді. Инфляцияның орнықты бөлігінің тұрақты түрде баяулауы базалық мөлшерлемені бұдан әрі байыппен төмендетуге жағдай жасайды. Қазіргі ақша-кредит шарттары инфляциялық үдерістердің баяулау қарқынын бекітуге және инфляциялық күтулерді тұрақтандыруға бағытталған", - делінген хабарламада.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
