Павлодарда техникалық қызмет көрсету орталығы көліктермен бірге отқа оранды
Тілсіз жау көлік боксындағы 150 шаршы метр жерді шарпыған.
Фото: Павлодар облысы ТЖД
12:55 07.06.2024
Өрт сөндірушілер ғимарат ішінен газ баллонын алып шығып, жарылыстың алдын алды, деп жазады kazinform. Облыс орталығында техникалық қызмет көрсету орталығы өртенді. Ғимарат ішінде болған 2 көлік және құрал-саймандар жанған.
«7 маусым күні сағат 04.33-те 101 пультіне Павлодар қаласы Транспортная көшесінде орналасқан ТҚО боксы жанып жатқандығы туралы хабарлама келіп түсті. Оқиға орнына жедел жеткен өрт сөндірушілері бір қабатты бокс ішінде 2 автокөліктің, жабдықтар мен саймандардың жанып жатқанын анықтады. Оқиға орнында Павлодар облысы төтенше жағдайлар департаментінің 5 бірлік техникасы және жеке құрамнан 19 адам жұмыс істеді. Өрт сағат 04.52-де оқшауланып, 05.02-де жойылды», - деп хабарлады Павлодар облысы Төтенше жағдайлар департаментінен.
Өрттің ауданы 150 шаршы метр болған. Тілсіз жаудан зардап шеккендер жоқ. Қазіргі уақытта оқиғаның себебі мен келтірілген шығын анықталып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
