Қарағанды облысында жол апатынан бес адам мерт болды
Қарағанды облысында үш көліктің соқтығысуы салдарынан бес адам жан тапсырды.
12:34 10.06.2024
«Оқиға Қарағанды облысындағы Абай қаласы мен Дубовка ауылы арасында, "Қызылорда – Павлодар" тас жолының 931-ші шақырымында 9 маусым күнгі сағат 22.23-те болды. Audi, Chevrolet Cobalt, және Toyota Previa көліктерінің соқтығысуы салдарынан 5 адам мерт болды. Атап айтсақ, Chevrolet көлігінің 22 жастағы жүргізушісі мен төрт жолаушысы оқиға орнында көз жұмды», - делінген жергілікті полиция департаменті таратқан хабарламада.
Ал екі жолаушы ауруханада жатыр.
«Екі адамның жағдайы ауыр, оларға ауруханада тиісті көмек көрсетілуде», - деді Қарағанды облысының денсаулық сақтау басқармасы басшылығы.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
