Атыраудағы эвакуациялық пункттердегі тұрғындар түгелдей үйіне оралды
Атырау қаласындағы эвакуациялық пункттерге орналасқан тұрғындар түгелімен үйлеріне оралды.
Фото: Атырау облысының жедел штабы
15:39 10.06.2024
Атырау облысының жедел штабынан мәлім еткендей, Атырау қаласы 94 эвакуациялық пункт ашылған еді. Онда тұрғындар үшін 10 250 орын дайындалған.
«Тасқын су басу қаупіне байланысты Махамбет ауданының Талдыкөл ауылынан көшірілген тұрғындар Х.Досмұхамедов атындағы Атырау университеті мен APEC жоғары колледжінің жатақханасында ашылған эвакуациялық пункттерге орналасқан еді. Қауіп сейілгеннен кейін аталған ауылдың 180 тұрғыны 7 маусым күні өз үйлеріне оралды. Қазір Атырау қаласындағы эвакуациялық пункттерде орналасқан тұрғындар жоқ», -деп хабарлады облыстық жедел штабы.
Бейбарыс ауылдық округінің әкімі Сейілбек Зұлхашевтың айтуынша, Талдыкөл ауылында 221 үй, 1215 тұрғын бар. Ал, Атырау-Орал трассасынан ауылға кіретін жолдың ұзындығы 7 шақырымды құрайды. Бұл жолды тасқын су басты. Кейін жолдың 1 шақырымға жуығы уақытша қалпына келтірілді.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
