Өскеменде рульге ие бола алмай қалған көлік жүргізушісі ағашқа соғылып, сол жерде көз жұмды
Өскемен қаласында рульге ие бола алмай қалған көлік жүргізушісі ағашқа соғылып, оқиға орнында тіл тартпай кетті.
Фото: Kazinform
11:34 12.06.2024
ШҚО Полиция департаменті баспасөз қызметінің мәліметіне сүйенсек, жол-көлік оқиғасы 11 маусым күні кешкі уақытта қала көшелерінің бірінде болған.
«Lada Granta» маркалы автокөліктің жүргізушісі кенет рульге ие бола алмай қалған. Соның салдарынан көлік жолдан шығып кетіп, ағашқа соғылды. Ер адам алған жарақаттарынан сол жерде көз жұмды», - деп хабарлады ведомство өкілдері.
Қатты соққыдан көлік отқа оранған. Оқиға орнына шұғыл келіп жеткен облыстық Төтенше жағдайлар департаментінің қызметкерлері өртті жылдам ауыздықтады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
