Оралда базардағы жарылыс: бір адам жансақтау бөлімінде жатыр
Оралда «Ел ырысы» базарында болған газ баллоны жарылуы салдарынан зардап шеккендердің бірі жансақтау бөлімінде жатыр.
Фото: pexels.com
17:10 16.06.2024
БҚО денсаулық сақтау басқармасы баспасөз қызметінен мәлім еткеніндей, оқиға орнына 5 медициналық жедел жәрдем бригадасы барды.
«Барлығы он адам зардап шексе, соның екеуі - ұл бала. Екі ересек адам медициналық көмектен бас тартты. Қазіргі уақытта пациенттердің ішінде 1 ересек адам жансақтау бөлімшесінде. Төртеуі травматология бөлімшесінде, тағы біреуіне амбулаториялық ем тағайындалып, үйіне жіберілді. Екі жасөспірім облыстық көпбейінді балалар ауруханасында. Олардың барлығы да дәрігерлердің тексерілуінен тиісті ем алуда», деп хабарлады ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
