Алматыда қыркүйекке дейін тағы бір көшеде көлік қозғалысы шектеледі
Алматыда тағы бір көшеде күзге дейін көлік қозғалысына тыйым салынады.
Фото: Мақсат Шағырбаев/ Kazinform
08:06 20.06.2024
«Алматы жылу желілері» жауапркершілігі шектеулі серіктестігінің мәліметінше, 20 маусымы мен 15 қыркүйегі аралығында Алматы қаласының Түрксіб ауданында Спасская көшесінде Бекмаханов көшесінен бастап Урицкий көшесі, Воровский көшесіне дейін көлік қозғалысы шектеледі.
Екі бағытта да көлік қозғалысы жабылады.
«Уақытша шектеулер 1983 жылдан бері пайдаланылып келе жатқан жалпы ұзындығы 1804,6 метр болатын, аталған көше астынан өтетін құбырды жаңғырту учаскесінде жоспарлы жұмыстарды жүргізу қауіпсіздігін қамтамасыз ету үшін енгізілмек », — деп түсіндірді «Алматы жылу желілері» ЖШС.
Бұл құбыр 22 көппәтерлі тұрғын үйді, 1 балабақша мен 1 білім беру нысанын жылумен және ыстық сумен қамтамасыз етеді.
Аталған аумақтағы тұтынушыларға реконструкция кезінде ыстық су беру тоқтатылмайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
