Астанада көпқабатты үйден шыққан өрт қаупі жойылды
Төтенше жағдайлар министрлігі 22 маусымда Астанадағы "Хан Шатыр" сауда ойын-сауық орталығы жанындағы элиталы көпқабатты тұрғын үй кешенінде өрттің таралу қаупі жойылғанын нақтылады.
Фото: ТЖМ
18:24 22.06.2024
Ведомствоның мәліметінше, өрт шалған аумақтың алдын ала ауданы 180 шаршы метрді құрайды.
"Өрттің таралу қаупі жойылды. Қызыл жалын шарпыған аумақтың алдын-ала ауданы 180 шаршы метрді құрайды. Өртті жоюға жеке құрамнан 87 адам және 19 бірлік техника жұмылдырылды", - делінген хабарламада.
Сондай-ақ ТЖМ бөліскен видеода алдында будақтаған түтіннің тарс тыйылғаны байқалады.
ТЖМ аталған тұрғын үй кешенінен эвакуацияланған сегіз адамның тек біреуі медициналық көмекке жүгінгенін нақтылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
