Атырауда үстіне ескерткіш құлаған 7 жасар қыз қайтыс болды
Атырауда 7 жасар қыздың үстіне ескерткіш құлады. Жасөспірім ауруханада көз жұмды.
Фото: atpress.kz
12:09 26.06.2024
Атырау облыстық Полиция департаментінің баспасөз қызметінен мәлім еткендей, оқиға кеше, 26 маусымда болған.
«Түнгі сағат 00:40 шамасында Атырау қаласындағы «Жеңіс» саябағы алаңында 2017 жылғы жасөспірім қыздың үстіне ескерткіш құлаған. Жасөспірім алған дене жарақатының салдарынан облыстық балалар ауруханасында қайтыс болды», - деп хабарлады департаменттің баспасөз қызметі.
Қазір полиция қызметкерлері аталған дерекке қатысты тергеу амалдарын жүргізуді бастады. Сот-медициналық сараптама тағайындалды.
Өзге ақпарат тергеу мүддесіне сай жариялауға жатпайды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
