Оралда автокөлік қағып кеткен 15 жасар жасөспірім өте ауыр халде жатыр
Орал қаласында автокөлік қағып кеткен 15 жасар жасөспірім облыстық көпбейінді балалар ауруханасында өте ауыр халде жатыр.
Фото: Александр Павский / Kazinform
17:02 27.06.2024
БҚО денсаулық сақтау басқармасы баспасөз қызметінен мәлім еткеніндей, оқиға 24 маусым күні кешкісін Бірлік көшесі 23-үй маңында болды.
Қазіргі кезде жансақтау бөлімінде жатқан баланың жағдайы өте ауыр.
Сағат 19.10-19.20 аралығында болған осы оқиғаға байланысты жасөспірімнің жақын-жуықтары куәгерлерді іздестіруде.
БҚО полиция департаменті баспасөз қызметінің нақтылауынша, жүргізуші «ВАЗ-21043» автокөлігімен Орал-Саратов тас жолы бойында белгіленбеген жерден өтпекші болған жасөспірімді қағып кеткен. Қазіргі таңда аталған дерек бойынша ҚР ҚК 345-бабы 1-бөлігіне сәйкес сотқа дейінгі тергеу амалдары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!