Алматыда қаруы бар мопед жүргізушісі ұсталды
Алматы полициясы травматикалық қаруы бар мопед жүргізушісін ұстады, деп хабарлайды Polisia.kz.
Фото: polisia.kz
13:35 28.06.2024
Алматыда "Буран-128" патрульдік полициясының экипажы кең ауқымды рейд барысында Абай даңғылы мен Байтұрсынов көшесінің қиылысында мопед жүргізушісін ұстады.
"Ол жол қозғалысы ережелерін өрескел бұзып, инспекторлардың назарын аударды. Одан әрі атыс қаруын заңсыз сақтау дерегі анықталды. Сараптаманың қорытындысына сәйкес, әңгіме атуға жарамды "ОСА" травматикалық тапаншасы туралы болып отыр. Бостандық аудандық Полиция басқармасы заңсыз қару сақтау дерегі бойынша соталды тергеуді бастады. 33 жастағы мопед жүргізушісінің қару ұстауының шынайы себебі тергеу барысында анықталады", – деді Алматы ПД ЖПҚБ патрульдік полиция полкінің командирі Михаил Кан.
ҚР ҚК-нің 201-бабына сәйкес өзге ақпарат тергеу мүддесіне орай жарияланбайды.
ҚР Конституциясының 77-бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
