Орал қаласында жазғы кафе жанып кетті
Оралда қалалық мәдениет және демалыс саябағы аумағында жазғы кафе өртенді.
Фото: БҚО Төтенше жағдайлар департаменті
12:46 01.07.2024
БҚО ТЖ департаментінің баспасөз қызметінен мәлім еткеніндей, оқиға 1 шілде күні болды.
«Сағат 09.50-де Қ.Рысқұлбеков көшесі 1/4-мекенжайында аумағы 280 шаршы метр «У фонтана» жазғы кафесі жанып жатқаны жөнінде хабар түскен. Сондай-ақ соған жалғас тұрған 25 шаршы метр әкімшілік ғимаратының төбесі отқа оранды.
Оқиға орнынан 1 көмірсутегі баллоны шығарылды. Өртті сөндіруге 20 адам, 5 техника жұмылдырылды. «Тілсіз жау» сағат 10.15-те оқшауланып, 10.32-де ауыздықталды. Зардап шеккендер жоқ. Қазіргі кезде оқиғаның шығу себебі, келтірілген шығын анықталу үстінде», деп хабарлады ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
