Павлодарда бүлдіршінге дөрекілік танытқан тәрбиеші жұмыстан босатылды
Павлодарда дөрекілік танытқан тәрбиеші жұмыстан босатылды.
Фото: pixabay
17:51 02.07.2024
Оқиға № 79 балабақшада болған, деп хабарлайды Zakon.kz.
Тәрбиешінің видеода бүлдіршіндердің басынан нұқып жібергені түсірілген сәт әлеуметтік желіде тарады.
Қалалық білім беру бөлімінің мәліметінше, 2024 жылғы 1 шілдеде № 79 балабақшаның орта топ ата-аналары басшының міндетін атқарушыға бейнебақылау камераларын қарау туралы өтінішпен жүгінген.
"Бейнежазбаны қарау барысында 26-27 маусымдағы жазбаларда түстен кейін тәрбиешінің дөрекілік танытқаны тіркелді. Қолданыстағы еңбек заңнамасына сәйкес, аталған факті бойынша тәрбиеші жұмыстан шығарылды", - деп жазылған хабарламада.
Сондай-ақ бөлімде барлық материалдар білім бөлімін уақтылы хабардар етпегені үшін құқық қорғау органдарына берілетінін хабарлады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
