БҚО-да сейф ұрлаған ер адам видеоға түсіп қалды
БҚО-да сейф ұрламақшы болған ер адам видеоға түсіп қалды, деп хабарлайды Polisia.kz.
Фото: polisia.kz
13:16 05.07.2024
29 маусымға қараған түні қаладағы кеңселердің біріне белгісіз біреу кіріп, кеңседен темір сейфті көтеріп алып кеткен.
"Сейф ішінде 1 миллионға жуық қаражат болған. Жүргізілген жедел-іздестіру іс-шаралары барысында аталған іске қатысы бар деген күдікпен 26 жастағы облыс тұрғыны анықталып, ұсталды. Күдікті уақытша ұстау изоляторына қамауға алынды. Ұрланған сейф тәркіленді", - делінген хабарламада.
Аталған дерек бойынша қылмыстық іс қозғалды. Тергеу амалдары жүргізіліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
