Ақсай қаласында 22 жастағы жігітті өлтірген тұрғын ұсталды
Ақсай қаласында зорлық-зомбылықпен өлтірілген 2002 жылғы жігіттің мәйіті табылды.
14:08 05.07.2024
БҚО ТЖ департаментінің баспасөз қызметінен мәлім еткеніндей, оқиға 3 шілде күні түнгі сағат 01.00-де болған.
Бөрлі аудандық полиция бөлімінің қызметкерлері жүргізген іс-шаралардың нәтижесінде осы қылмысқа күдікті ретінде Ақсай қаласының 27 жастағы тұрғыны анықталып, ұсталды.
«Алдын ала тергеу мәліметтері бойынша оқиға туыстар арасындағы кикілжіңнен болған. Күдікті өз кінәсін мойындады. Ол Бөрлі аудандық полиция бөлімінің уақытша ұстау изоляторына қамалды. Кісі өлтіру дерегі бойынша тергеу жүріп жатыр. ҚР Қылмыстық іс жүргізу кодексінің 201-бабына сәйкес өзге мәліметтер жария етуге жатпайды», - деп хабарлады ведомстводан.
БҚО ТЖ департаментінің мәліметі бойынша сонымен қатар 3 шілде күні Орал қаласында Учужный затон ауданында «Пенсионер» саяжай қоғамында үйдегі өрт орнынан екі адамның мүрдесі табылды. Саяжай үйінің отқа оранғаны туралы хабар 02.34-те түскен. Өрт сағат 04.10-да оқшауланып, 04.30-да сөндірілген. Бұл оқиғаның да мән-жайы анықталу үстінде.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
