Қостанайда 25 тонна шөп тиелген екі жүк көлігі жанып кетті
Құтқарушылар осы түні фураларды шарпыған тілсіз жаумен арпалысты.
Фото: видеодан скрин
08:25 09.07.2024
Бүгін түнде Қостанай облысы Әулиекөл ауданының тасжолында 25 тонна шөп тиелген тіркемелері бар екі жүк көлігін от шалды, деп жазады kazinform.
ТЖМ күш-құралдары өртті толықтай сөндірді. Жалын шарпыған аумақ — 60 шаршы метр.
Зардап шеккендер жоқ. Өрттің себебі анықталып жатыр.
«Жол көлігінде төтенше жағдай туындаған жағдайда 112 нөміріне қоңырау шалыңыз», - деп ескертеді ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!